Në orën 6 të mëngjesit të sotëm inspektorët e IKMT nisën aksionin e prishjes së 5 godinave të tjera në zonën e Astirit
Objektet ishin njëkatëshe 2-katëshe dhe 4-katëshe.
Ndërkohë, një objekt 6-katësh do të prishet nesër me shpërthim të kontrolluar.
IKMT është shoqëruar nga Policia dhe forca të FNSH-së për të garantuar mbarëvajtjen e aksionit të sotshëm megjithëse duhet theksuar se nuk ka patur rezistencë ose incidente.
Qarkullimi në Unazën e Madhe është bllokuar nga ish-“Sheshi Shqiponja” deri tek ura e “Lanës”. Ky bllokim ka shkaktuar edhe një trafik të rënduar në orët e para të mëngjesit.
Aksioni i IKMT-së do të zgjasë dy ditë, ndërkohë që me prishjen e këtyre objekteve shkon në 41 numri total i godinave të shembura. /Opinion.al
