IKMT ka njoftuar se një nga punonjësit e saj është goditur në detyrë nga banorët e Astirit në Tiranë. Mësohet se punonjësi i plagosur A.B. 50 vjeç ka marrë fraktura në kokë dhe duar, pasi është goditur me sende të forta, ndërsa aktualisht ndodhet në spital ku po merr mjekimin e nevojshëm mjekësor.
IKMT njofton se 50-vjeçari ishte duke kryer detyrën e tij duke lajmëruar poseduesin e objekteve të cilat do të shemben për t’i hapur rrugë zhvillimit të projektit të ri të Unazës së Madhe.
Njoftimi i IKMT:
Nje ngjarje e rende ka ndodhur sot paradite ne “Astir” me banoret e kesaj zone dhe nje prej punonjesve te IKMT gjate kryerjes se detyres. A.B, 50 vjec, eshte goditur me mjete te forta nga banoret duke i shkaktuar frakture te forte ne koke dhe ne duar. Ai eshte transportuar me urgjence ne spitalin ushtarak per te marre mjekimin e duhur. Punonjesi i IKMT, ishte duke kryer detyren, teksa lajmeronte poseduesit e disa objekteve ne kete zone se jane pengese e zbatimit te projektit te Unazes se Madhe. IKMT denoncon fort kete akt barbar mbi punonjesin e saj dhe kerkon nga organet perkatese te shtetit te marrin masat e menjehershme per venien para pergjegjesise se autoreve. Po ashtu IKMT u ben thirrje banoreve dhe qytetareve, se punonjesit e saj jane ne sherbim te ligjit dhe komunitetit dhe nuk do te terhiqen per asnje moment nga detyrat e tyre, pavaresisht sjelljeve rrugacerore, barbare dhe te paligjshme./ Opinion.al
