Ministri Damian Gjiknuri doli sot para medias për të folur për skandalin e tenderit të Unazës së Re. Ai tha se kompania fituese e lot 1 (Sheshi Shqiponja) ka falsifikuar dokumentet dhe kjo është dokumentuar edhe nga autoritetet amerikane.
Bëhet fjalë për kompaninë DH Albania, e cila sipas tij ka falsifikuar dokumentte jashtë territorit të Shqipërisë.
Gjithashtu në fjalën e tij, ministri theksoi se çështja i ka kaluar Prokurorisë shqiptare për të ndjekur të gjitha rrugë ligjore dhe përgjegjësit të ndëshkohen.
“Materialet do t’i referohen prokurorisë shqiptare. Të njëjtën praktikë ka ndjekur edhe OST. Kontratat nuk kanë nisur të zbatohet. Dua të them se falsifikimi i dokumenteve janë bërë jashtë territorit të Shqipërisë”, shtoi ai.
Më tej Gjiknuri dha se ky tender është anuluar dhe nëse prokuroria do gjejë shkelje do të shkojnë para drejtësisë edhe zyrtarë të ARRSH-së.
Ndërsa lidhur me akuzat politike se ai ka udhëtuar në SHBA për këtë çështje, Gjiknuri tha “jap dorëheqjen nëse vertetohet kjo akuzë ndaj meje personalisht”. /Opinion.al
