Kreu i Partisë Demokratike, Lulzim Basha, nga Unaza e re në mbështetje të banorëve që janë kundër projektit që ata e quajnë korruptiv, tha se banorët do të qëndrojnë deri në fund dhe do të fitojnë.
Basha shtoi më tej se faktet që ka zbuluar nga Zëri i Amerikës, se shteti ka qenë pjesë e falsifikimit të këtij projekti.
“Merita e madhe e këtyre banorëve, ku vegla më tinëzare e Ramës, përçarja, nuk piu ujë. Këta banorë hodhën gjysmën e qeverisë në Lanë dhe do hedhin dhe gjysmën tjetër”, shtoi më tej Basha.
Pjesë nga deklarata:
Protestuesit e Unazës së re kanë dhënë një shembull për të gjithë, shembulli është para syve tuaj. Kur mbron një kauzë të drejtë, kur kërkon që fajtorët të shkojnë para ligjit nuk rrëzohet qytetari dhe jam i bindur se kjo do të rrëzojë klikën e korruptuar dhe këta banorë do të fitojnë.
Merita e madhe e këtyre banorëve, ku vegla më tinëzare e Ramës, përçarja, nuk piu ujë. Këta banorë hodhën gjysmën e qeverisë në Lanë dhe do hedhin dhe gjysmën tjetër.
Lajmi sot është ajo që ka zbuluar “Zëri i Amerikës”, pasi ne e kemi thënë që kjo është një aferë. Pasi këtu u nisën punimet të gjithë i quajtën shepllarë, zaptues, milionerë etj. Por opozita dhe disa gazetarë nxorën në pah të vërtetën që ky është një projekt korruptiv. Zëri i Amerikës, ka vërtetuar se jo vetëm nuk ka bërë detyrën por ka qenë pjesë e falsifikimit.
