Afati i dhënë nga izraelitët për palestinezët në Rripin e Gazës për t’u larguar nga shtëpitë e tyre përfundon në orën 20:00, njoftoi zëdhënësi i Forcave të Mbrojtjes Izraelite (IDF).
Përmes një postimi për mediat arabe përfaqësuesi i Forcave të Mbrojtjes të Izraelit shkruan në X (ish-Tëitter):
“Ne ju bëmë thirrje këtë mëngjes që të largoheni nga qyteti i Gazës në luginën jugore, për sigurinë tuaj. Ju njoftoj se IDF do të përmbahet nga prekja e itinerarit të shënuar në hartë”, ka shkruar ai, teksa bashkangjitur ka postuar një hartë.
“Për sigurinë tuaj, përfitoni për të lëvizur në jug nga Beit Hanoun në Khan Yunis. Ne do të publikojmë metoda shtesë të sigurta më vonë. Nëse jeni të shqetësuar për veten dhe të dashurit tuaj, duhet të shkoni në jug sipas udhëzimeve tona. Jini të sigurt se liderët e Hamasit kujdesen vetëm për mbrojtjen e tyre ndërsa përgatiten për sulme në rajon”, përfundoi mesazhi i tij.
Kujtohet se më herët nisi evakuimi i Gazës pas një urdhri të lëshuar nga ushtria izraelite për më shumë se 1 milion banorë civilë në veri.
Kombet e Bashkuara kanë njoftuar se janë informuar nga ushtria izraelite se rreth 1.1 milionë palestinezë në Rripin e Gazës janë urdhëruar të zhvendosen në sektorin jugor brenda 24 orëve.
Megjithatë, ushtria izraelite pranoi sot se urdhri për të larguar palestinezët nga veriu i Gazës do të “merrte kohë”.
“Ne po përpiqemi të japim kohë dhe po bëjmë shumë përpjekje dhe e kuptojmë se kjo nuk do të zgjasë 24 orë ,” tha zëdhënësi ushtarak Daniel Hagari në një konferencë për shtyp./Opinion.al
#عاجل 🔴 سكان مدينة غزة,
قمنا بمناشدتكم صباحاً لمغادرة مدينة غزة إلى منطقة جنوب وادي غزة، حفاظاً على سلامتكم. أود أن أبلغكم أن جيش الدفاع الإسرائيلي سيمتنع عن المس بالمسار المحدد في الخارطة حتى الساعة 20:00.
حرصاً على سلامتكم استغلوا الوقت القادم للتحرك جنوباً من بيت حانون إلى… pic.twitter.com/6Fpk6otVBY— افيخاي ادرعي (@AvichayAdraee) October 13, 2023
