Lulzim Basha tha në një konferencë për mediat se pavarësisht paralajmërimit të Komisionit të Rithemelimit për daljen e tij nga selia në 5 Janar, PD është e përgatitur për çdo situatë. Duke lënë të kuptojë që Basha nuk do të dalë nga selia, ai pohoi se në 5 Janar asgjë nuk do të ndodhë.
“Dua ti them të gjithë demokratëve që asgjë nuk do të ndodhë. Dua t’u them të gjithë shqiptarëve që PD është e përgatitur për çdo situatë dhe nuk do të lejojmë trekëndëshin e Bermudës ta zhvendosë fushën e betejës nga Edi Rama tek përplasja mes demokratëve për interesa të një personi të vetëm”, tha Basha./Opinion.al
