Një trup i pajetë është gjetur nga Policia e Malit të Zi në qytetin e Ulqinit.
Mediat e huaja, bëjnë me dije se trupi i gjetur dyshohet se është i ish-shefit të Policisë Rudolf Elezoviç, i cili u raportua i zhdukur disa ditë më parë. Sipas tyre shkaku i vdekjes do të përcaktohej nga autopsia që pritet të kryhet.
Zhdukja e Elezoviç u raportua nga gruaja e tij Marina më 27 maj. Elezoviç shërbeu si shef i policisë së Ulqinit për gati gjashtë vjet, deri në vitin 2014, kur u zëvendësua nga Sead Djozovic. Ndërsa më vonë ai ka mbajtur poste të rëndësishme në sektorin e policisë kufitare./Opinion.al
