Teksa kërkoi ulje të çmimeve të ushqimeve, kryeministri Edi Rama nuk i ka kursyer batutat me furnizuesit e ushqimeve.
Duke iu thënë se duhet të vendosin një çmim bazë mbi produktet e shportës, kryeministri tha se ata duhet ta shikojnë ndihmën në kohë krize dhe si mundësi “për të larë mëkatet që i kanë bërë gjatë karrierës”.
“Për ju biznesmenët është një mundësi për t’u larë nga mëkatet e këtyre viteve, sepse imagjinoni të nxirrni fitimet mbi gjakun e atyre atje dhe lotët e njerëzve këtu. Unë jam kundër ndërhyrjeve të shtetit në shtyllën kurrizore të tregut, jo se jam ideologjikisht i penguar të jem pro por në kushte paqeje kjo është skandal, ndërsa në kushte lufte një domosdoshmëri. Prandaj jam këtu. E duam jo me detyrim, por me bindje dhe dëshirë. Ju jeni njerëz që nuk keni lindur të pasur, nuk e keni pasurinë nga trashëgimia familjare, e keni nisur nga hiçi, keni parqe ditë të vështira.”, tha kryeministri./ Opinion.al
