Autoriteti Rrugor Shqiptar ka njoftuar përdoruesit e rrugës që të pajisen me zinxhirë dhe goma dimërore, si dhe të reduktojnë shpejtësinë për shkak të situatës së krijuar nga reshjet e dëborës.
ARRSH apelon për respektimin e rregullave të qarkullimit rrugor me qëllim shmangien e aksidenteve në kushtet e motit ekstrem që pritet të godasë vendin.
“Në aksin Qafë Thanë-Korçë kanë filluar reshje të imëta të borës mjetet borëpastruese dhe grupet e punës janë në terren për pastrimin dhe trajtimin me kripë qarkullimi kryhet pa probleme.
Apel për drejtuesit e mjeteve: “Gjatë orëve në vijim priten temperatura të ulëta deri në -17°C në zonat malore, duhet të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore”-shkruan ARRSH.
Ndërsa për segmentin rrugor Qafë Qarri- Korçë-Dardhë-Voskopojë ARRSH ka bërë të ditur se borëpastrueset janë në terren për pastrimin e aksit dhe shpërndarjen e kripës. Deri në këto momente qarkullimi bëhet pa probleme.
“Në segmentin rrugor Qafë Qarri- Korçë-Dardhë-Voskopojë ka pasur reshje dëbore me intensitet mesatar
Mjetet borëpastruese janë në terren për të bërë pastrimin e plotë të aksit dhe shpërndarjen e kripës
Qarkullimi kryhet pa probleme
Drejtuesit e mjeteve të bëjnë kujdes në lëvizje, pasi priten temperatura të ulëta, të respektojnë sinjalistikën rrugore të reduktojnë shpejtësinë dhe të pajisen me zinxhirë dhe goma dimërore”-njofton ARRSH./Opinion.al
