Çmimi i naftës është ulur me 3 lekë dhe do të shitet me 199 lekë për litër. Ulje të çmimit me 1 lekë ka pasur edhe benzina, që nga 178 lekë që ishte më parë do të shitet me 177 lekë për litër. Ndërsa gazi do të shitet me 71 Lekë për litër.
Çmimet e caktuara nga Bordi do të hynë në fuqi në datë 20 Dhjetor, ora 18.00, dhe do të jenë të vlefshme deri në mbledhjen e ardhshme të bordit.
Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.
Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës.
