Për të dytën ditë radhazi është ulur çmimi i karburantit në Maqedoninë e Veriut.
Çmimi i dizelit u ul për 19,5 denarë, duke arritur çmimin në 76 denarë përderisa ishte 95.5 denarë. Çmimi i ЕUROSUPER BS – 95 – 79,50 denarë ndërsa vaji ekstra i lehtë shitet me çmimim prej 72,50 denarë për litër.
Arbana Klimenta:Pas vendimit të djeshëm të Komisionit Rregullator për Energjitikë është ulur çmimi i derivateve. Ky vendim nuk do të zgjasë shumë pasi që kjo do të varet nga bursat botërore.
E qytetarët që i intervistuam thonë përkundër uljes, çmimi i derivateve të naftës është i lartë për standardin e tyre.
“Derivatet janë të shtrenjta në krahasim me pensionet dhe rrogat që i marrim”
“Me çmimet e naftës nuk jemi të kënaqur fare. Çmimet vetëm ngriten. Për standardin tonë çmimet janë të larta”
“Nuk jemi të kënaqur. Kjo është vetëm mashtrim. Nuk e di se deri ku do të shkojmë, por kjo është e tmerrshme. Çfarë të bëjmë me 18 mijë denarë. Gjysma e parave na shkon duke paguar fatura”.
“Akcizat duhet të zbresin që popullata të mund t’i koordinojë hyrjet-daljet me pagesat dhe të gjitha sendet. Po e shohim se çmimet e derivateve po bien kanë stagnuar çmimet e produkteve bazë, shpresoj se do të rregullohet.”
Çmimet e karburanteve sillen mbi bazë të Rregullores me të cilën KRrE ka të drejtë t’i ndryshojë çmimet e derivateve çdo ditë. Si përllogaritje merret mesatarja nga kuotat e bursës në pesë ditët e fundit dhe fare nuk ndikon çmimi i naftës në tregun botëror.
