Maqedonia e Veriut ka regjistruar gjatë 24 orëve të fundit 193 persona të infektuar me COVID-19. Ndërkohë Ministria e Shëndetësisë në Maqedoni ka njoftuar se kanë ndërruar jetë edhe 34 pacientë, të cilët kanë qenë pozitiv me COVID-19.
Prej rasteve pozitive njoftohet se në Shkup janë shënuar-110, Prilep – 16, Kavadar – 15, Kumanovë – 12, Shtip – 9, Tetovë – 7, Koçan dhe Kërçovë – nga 4, Veles – 3, Manastir, Strugë dhe Dibër – nga 2, Ohër, Strumicë, Negotinë, Gjevgjeli, Shën Nikollë, Valandovë dhe Makedonski Brod – nga 1 në secilin qytet.
Ndër të tjera bëhet me dije se janë regjistruar 1.014 pacientë të shëruar nga virusi.
Me rastet e sotme numri i përgjithshëm i të infektuarve shkon në 142.034, prej të cilëve 117.794 janë shëruar, ndërsa 4.262 kanë ndërruar jetë. Numri i rasteve aktive deri sot (12 prill) është 19.978./Opinion.al
