Kryeministri Edi Rama përmes një statusi në facebook tha sot se opozita kërkon ta përdorë Kukësin si shishe benzine për të djegur rrugën europiane të Shqipërisë. Pra mos-hapjen e negociatave nga ana e BE-së.
Pas statusit të kryeministrit të shumta kanë qenë komentet nga qytetarët. Ajo që vihet re në shumicën e komenteve është se qyetarët thonë se kjo taksë është shumë e lartë dhe se zjarri u vu nga hallexhinjtë dhe jo nga militantë, ashtu siç pretondon kryeministri.
“Ti ule hundën se ke për të thyer qafën, unë jam socialist i bindur, por kundra arrogancës dhe dhunës shtetërore. Tarifa është shumë e lartë”, ka shkruar njëri nga komentuesit.
Por ka pasur komente edhe për mënyrën se si Rama ka dashur ta lidh protestën me faktin që opozita po kërkon të nxisë dhunën dhe të pengojë intergrimin e Shqipërisë.
“Të gjithë njësoj jeni, prandaj protesat do të vazhdojnë deri në referendum”- ka qenë një tjetër koment.
