“Mund të duhen nga disa ditë deri në një javë e gjysmë për të gjetur një marrëveshje për pikat e diskutueshme në negociatat midis delegacioneve ruse dhe ukrainase”.
Kështu është shprehur kryenegociatori ukrainas Mykhailo Podolyak në një intervistë për mediat polake.
“Nënshkrimi i një marrëveshjeje paqeje do t’i japë fund fazës akute të konfliktit, do të na lejojë të nderojmë të gjithë ata që janë vrarë dhe të fillojmë rindërtimin e vendit. Por dyshoj se lufta do të përfundojë atje për ukrainasit, të paktën jo pas gjithë asaj që kemi kaluar”, shton këshilltari i Zelenskit.
Por, SHBA-ja skeptike nuk sheh asnjë provë të një de-përshkallëzimi rus në Ukrainë. “Rusia po përgatit terrenin për sulme të rreme biologjike ose kimike”, tha Sekretari amerikan i Shtetit Antony Blinken.
“Ne jemi të shqetësuar se Kina mund të konsiderojë të ndihmojë Rusinë.” Sipas Blinken, Rusia nuk po bën ‘përpjekje të rëndësishme’ në negociatat me Kievin.
Presidenti ukrainas Volodymyr Zelensky ka zhvilluar sot një bisedë telefonike me presidentin francez Emmanuel Macron. “Ne diskutuam – shkruan Zelensky në Twitter – mbështetjen për ukrainasit në luftën kundër agresionit rus, veçanërisht në fushën e mbrojtjes. Theksi u vu në vazhdimin e dialogut për paqe. Ne duhet të forcojmë koalicionin kundër luftës”./Opinion.al
