Dymbëdhjetë oficerë rusë dyshohet se kanë mbetur të vrarë në një sulm me raketë, ndërkohë që forcat e armatosura të Ukrainës shkaktojnë humbje me armë të furnizuara nga Amerika.
Mendohet se sulmi kishte në shënjestër një zonë komandimi në aeroportin Chornobaivka, pranë qytetit jugor të pushtuar Kherson, gjatë të cilit mbetën të vrarë një gjeneral dhe një kolonel. Sulmi mendohet se është kryer duke përdorur raketa amerikane HIMARS, në një kohë që Ukraina po përgatit ushtrinë e saj prej 1 milionë trupash me synimin se do të rimarrë territorin e pushtuar nga Rusia në fillim të konfliktit.
Në videon e mëposhtme shikohet se ajo që është duke shpërthyer mund të jetë një depo municionesh, ndërsa televizionet ruse raportojnë se Putini është i revoltuar nga paaftësia e sistemeve anti-ajrore të Rusisë S-400 për të mbrojtur forcat e tij të armatosura.
Nga ana tjetër, ministri i Mbrojtjes Oleksii Reznikov zbuloi se presidenti Zelensky u ka dhënë urdhër gjeneralëve të tij për të hartuar plane për sulmin dhe për të dalë me një listë të pajisjeve që u nevojiten për të kryer sulmet.
“Ne jemi njerëz të botës së lirë dhe me ndjenjë të vërtetë drejtësie dhe lirie”, u shpeh Reznikov për The Times./Opinion.al
