Zëvendëskryeministrja e Ukrainës Iryna Vereshchuk, deklaron se ushtria ruse po djeg trupat e qytetarëve dhe ushtarëve ukrainasë për të zhdukur krimet e tyre.
“Sa i përket Mariupolit, shërbimet tona sekrete na thonë se Rusia po përpiqet të fshehë krimet e saj dhe për këtë arsye po përdor krematoriumet e lëvizshme për të djegur kufomat e grave tona dhe fëmijëve”,-tha Vereshchuk.
Ajo tha gjithashtu se rusët në të njëjta furra krematoriumi po djegin trupat e ushtarëve të tyre që mos të shikohen në Rusi.
“Putini po përdor krematoriumet për të fshehur të gjitha veprimet e tij kriminale”, tha Vereshchuk.
