Ukraina ka pranuar 90% të planit të paqes me Rusinë të propozuar nga Shtetet e Bashkuara të Amerikës. Lajmi është konfirmuar edhe nga ministri i mbrojtjes së Ukrainës Rustem Umerov, i cili megjithatë nuk dha më shumë detaje. Mediat amerikane zbulojnë se Kievi ka rënë dakord të lërë gadishullin e Krimesë nën kontrollin e Moskës.
Kjo hartë e ndarjes së Ukrainës në 3 zona influence është iu prezantua palëve nga Keith Kellogg i dërguari i posaçëm i Donald Trump për zgjidhjen e konfliktit. “Bloomberg” shkruan se lënia e Krimesë, është parë nga Ukraina si pjesë e një marrëveshjeje më të gjerë paqeje.
Është e paqartë se cili do të jetë qëndrimi i Ukrainës për rajonet e pushtuara në lindje të vendit dhe që Moska i konsideron pjesë të saj. I paqartë është edhe qëndrimi i Kremlinit për propozimin amerikan. Një ditë më parë Presidenti amerikan Donald Trump u bëri presion palëve se Uashingtoni do të tërhiqej nga negociatat nëse nuk do të shihte progres dhe vullnet për një marrëveshje. Plani amerikan përfshin që njëra nga 3 pjesët e Ukrainës të vihet nën mbrojtjen e forcave ushtarake europiane.
