Ukraina ka ngritur një padi kundër Rusisë në gjykatën ndërkombëtare të Hagës, tha presidenti Volodymyr Zelenskiy. Gjykata e Hagës zgjidh mosmarrëveshjet midis shteteve në lidhje me të drejtën ndërkombëtare.
“Ukraina ka paraqitur kërkesën e saj kundër Rusisë në gjykatën ndërkombëtare të Hagës”,shkroi Zelenskiy në Twitter. “Ne kërkojmë një vendim urgjent që urdhëron Rusinë të ndërpresë aktivitetin ushtarak tani dhe presim që gjyqet të fillojnë javën e ardhshme.”
Më tej ai thotë se veprimet e Rusisë – duke bombarduar kopshte, zona të banuara dhe zona të infrastrukturës joushtarake – janë shenja të “gjenocidit” rus.
Qëllimi është të vërtetohet se presidenti rus Vladimir Putin është “një kriminel lufte ” i shekullit të 21-të, tha prokurorja e përgjithshme Iryna Venediktova për televizionin ukrainas./Opinion.al
