Presidenti ukrainas Volodymyr Zelensky ka telefonuar presidentin turk Recep Tayyip Erdogan, duke i shprehur ngushëllimet e ku thotë se Ukraina është gati për ta ndihmuar popullin turk në këto momente të vështira.
“I shpreh ngushëllimet e mia presidentit turk Recep Tayyip Erdogan , popullit turk dhe familjeve të atyre që humbën jetën në tërmetin në Turqi dhe uroj shërim të shpejtë të gjithë të plagosurve. Ne qëndrojmë pranë popullit turk në këtë kohë të vështirë. Ne jemi të gatshëm të ofrojmë ndihmën e nevojshme për të kapërcyer pasojat e katastrofës”, –shkroi presidenti ukrainas Volodymyr Zelensky.
Deri më tani në Turqi kanë humbur jetën 1762 persona nga tërmeti, ndërsa të plagosur kanë mbetur 12068 qytetarë.
