Ukraina ka ndërprerë zyrtarisht marrëdhëniet diplomatike me Rusinë pas pushtimit të ndodhur në orët e para të mëngjesit të sotëm.
Lajmi është dhënë nga presidenti Volodymyr Zelensky në një konferencë për shtyp.
“Ky mëngjes ka hyrë në histori, por kjo histori është absolutisht e ndryshme për vendin tonë dhe Rusinë. Dhe ne kemi ndërprerë marrëdhëniet diplomatike me Rusinë”, tha Zelensky.
Rusia ka nisur pushtimin e Ukrainës më 24 shkurt, njoftuan autoritetet në Kiev. Presidenti rus, Vladimir Putin, konfirmoi se ka nisur, siç tha, një operacion “special” për “çmilitarizimin” e Ukrainës.
Putin e përshkroi “operacionin special ushtarak”, për të mbrojtur njerëzit që jetonin në Donbas, të cilët, sipas tij, i ishin nënshtruar “gjenocidit”, një akuzë që Ukraina e ka mohuar ashpër./Opinion.al
