Zhong Shanshan, themeluesi i markës popullore kineze të ujit të ambalazhuar, Nongfu Spring, ka tejkaluar themeluesin e Alibaba, Jack Ma për t’u bërë personi më i pasur i Kinës, sipas indeksit të miliarderëve të Bloomberg.
Zhong ishte personi i tretë më i pasur i Kinës pasi kompania e tij u kuotua në bursë në fillim të këtij muaji. Që nga e mërkura, vlera e saj kishte arritur në 58,7 miliardë dollarë, duke tejkaluar Jack Ma me 56,7 miliardë dollarë, sipas llogaritjeve të Bloomberg.
Statusi i ri i Zhong gjithashtu e vë atë përpara Pony Ma, i cili themeloi Tencent. Ndryshe nga Jack Ma dhe Pony Ma, Zhong nuk është një sipërmarrës i teknologjisë. Jashtë aksioneve të tij në Nongfu Spring, ai është kreu i një prodhuesi të vaksinave, Farmacia Biologjike Beijing Wantai. Kjo kompani u kuotua në bursën e Shangai këtë vit dhe gjithashtu ndihmoi në rritjen e pasurisë së Zhong.
Zhong është i njohur gjithashtu për mbajtjen e një profili të ulët dhe krahasuar me udhëheqësit e tjerë të lartë të biznesit, gjë që i ka dhënë atij nofkën “ujku i vetmuar”. /Opinion.al
