Kryeministri grek Kyriakos Mitsotakis ka deklaruar se do zgjerojë kufijtë detar në Jon deri në 12 milje. Pas kësaj deklarate shumë qytetarë shqiptarë kanë shprehur zemërimin e tyre në profilet zyrtare të kryeministri Edi Rama në rrjetet sociale.
Ndërkohë, kryeministri ka zgjedhur ti përgjigjet një prej komentuesve i cili ka shkruar se qeveria shqiptare po iu fal hapësirat detare shtetit grek.
Në reagimin e tij, Rama ka ironizuar qytetarin ndërsa e këshillon atë që të lexojë dhe të ruhet nga gënjeshtrat.
Kujtojmë se Mitsotakis njoftoi se ministri i Jashtëm grek Nikos Dendias do të udhëtojë në Tiranë, ku në fokus të bisedimeve do të jetë marrëveshja e detit. Lidhur me këtë, më herët Rama zhvilloi dhe një bisedë telefonike me Dendias.
Komentuesi: Ujërat detare të Shqipërisë ja fale Greqisë?
Rama: Iliri të rroftë Skendërbeu në balle kur në kokë ke Saliun dhe flet për “falje detesh” sikur flet për falje rrobash! Hajde shqipe hajde! Nuk falen detet e tokat si rroba o mik, prandaj para se të flasesh për tema të tilla, ulu lexo, rri dëgjo, informohu e pastaj shprehu dhe ruhu nga gënjeshtrat e mëdha se po të kapen në gjumë, i hëngre e ike në drejtim të paditur!/ Opinion.al
