Ende pa përfunduar sezoni aktual i Ligës së Kampionëve, UEFA, ka zyrtarizuar datat për sezonin e ardhshëm të kompeticionit më të madh për klube në Europë. Kështu Liga e Kampionëve zyrtarisht do të nisë në datën 25 qershor me ndeshjet paraeliminatore ndërkohë që më 28 qershor, luhet finalja e këtyre ndeshjeve, ku pjesë marrin 4 skuadra.
Shorti për këtë fazë hidhet në datën 11 qesrhor. Ekipi shqiptar në Ligën e Kampionëve, do të jetë ai ekip që shpallet kampion në Kategorinë Superiore dhe kundërshtarin për fazën e parë të këtij kompeticioni, do ta njohë në datën 18 qershor.
Ndeshjet e para në Ligën e Kampionëve, do të luhen në datat 9-10 korrik, ndërkohë që një javë më vonë, luhen ndeshjet e kthimit. Nëse kalon fazën e parë atëherë në datat 23-24 korrik, luhen ndeshjet e para të turit të dytë eliminator dhe vetëm një javë më vonë, janë ndeshjet e kthimit nga ku do të njihen edhe skuadrat që kalojnë në turin e tretë.
Gjithmonë nëse ekipi shqiptar do të kalojë të gjitha fazat me sukses atëherë në datat 6-7 gusht do të luajë turin e tretë “Play Off” normalisht me kundërshtarë shum më të vështirë. Një javë më vonë do të luajë ndeshjen e kthimit.
Më tutje, ‘Play Off’, do të luhet në datat 21-21 gusht dhe 27-28 gusht. Më 29 gusht, të gjitha skuadrat e kualifikuara njohin kundërshtarët e tyre për fazën në grupe, që nis më 17-18 shtator.
