Manchester City është përjashtuar nga pjesëmarrja në Champions League për dy sezonet e ardhshme.
Vendimi është marrë nga UEFA për shkak të shkeljeve të rregullave të fair play-t financiar dhe mosbashkëpunimit me inspektorët të cilët po hetonin financat e klubit. Kampionët në fuqi të Premier League janë gjobitur gjithashtu edhe me 30 milion euro.
Në vendim thuhet se City ka të drejtën e apelimit në Gjykatën e Arbitrazhit për Sport.
Manchester City thotë se ata janë “të zhgënjyer, por jo të befasuar” nga vendimi “paragjykues” dhe do të apelojnë.
Ata shtuan në një deklaratë: “Klubi gjithmonë ka parashikuar nevojën përfundimtare për të kërkuar një organ të pavarur dhe proces për të marrë në konsideratë në mënyrë të paanshme organin gjithëpërfshirës të provave të pakundërshtueshme në mbështetje të pozicionit të tij.
“Në Dhjetor 2018, krye hetuesi i UEFA paraprakisht publikoi rezultatin dhe sanksionin që ai synonte t’i dorëzohej Manchester Cityt, përpara se të kishte filluar ndonjë hetim. /Opinion.al
Manchester City exclu des compétitions européennes pour les saisons 2020-21 et 2021-22 par l’UEFA pour infractions sérieuses aux réglementations du FPF. pic.twitter.com/qFjvg9Drk4
— Philippe Auclair (@PhilippeAuclair) February 14, 2020
