UEFA ka bërë publike ndryshimet në Champions League duke filluar nga sezoni 2018/19.
Do të jenë plotë 26 skuadra që do të pranohen në sezonin e ardhshëm, nga 22 që pranoheshin në fazën e grupeve në formatin e vjetër të Uefa Champions League.
Kështu do të marrin pjesë direkt katër ekipet e para të Spanjës, Gjermanisë dhe Italisë ku më parë nga këto vende vetëm dy ekipet e para kualifikoheshin direkt, ndërsa ekipet e vendit të tretë dhe të katërt duhet të luanin në fazën paraeliminatore për të arritur tek grupet.
Dy skuadra do të jenë nga Franca dhe Rusia, ndërsa nga një skuadër do të kenë Portugalia, Ukraina, Belgjika dhe Turqia.
Por nëse fituesi i Champions League dhe Europa League ka siguruar kualifikimin, atëherë do të jetë një ekip nga Çekia dhe skuadra e tretë e kampionatit spanjoll që do të kualifikohen direkt.
Gjithashtu UEFA ka njoftuar edhe oraret e nisjeve të ndeshjeve, ku do të nisin në orën 17:55 deri në 21:00 të mbrëmjes.
Më tej Presidenti i UEFA-s Aleksander Ceferin nëpërmjet një njoftimi ka thënë se në sezonin e ardhshëm nuk do të përdoret sistemi VAR.
“Tifozët shohin ekranin e VAR çdo kohë, por askush nuk e di sesi punon. Ne nuk do e përdorim atë në sezonin e ardhshëm të Champions League. Për mua, mund të jetë një projekti i mirë, por nuk duhet të nxitohemi” ka thënë ai.
