Udhëtonte me avion nga SHBA në Tiranë, burri kapet me armë zjarri në Rinas
Një 51-vjeçar është kapur nga Policia Kufitare, pasi ka tentuar të fusë armë zjarri nga Rinasi në Vendin tonë.
Mësohet se uniformat blu e kanë arrestuar në flagrancë 51-vjeçarin që udhëtoi drejt vendit tonë, me armë zjarri pistoletë dhe municion luftarak me vete.
Policia informon se si rezultat i shtimit të kontrolleve, si në hyrje dhe në dalje, më qëllim kapjen e personave në kërkim dhe të atyre që mbajnë sende të kundërligjshme me vete, kanë kaluar për kontroll më të imtësishëm, valixhen e shtetasit Renato Hajmeli, i cili ishte nisur nga SHBA për në Shqipëri.
Bëhet e ditur se gjatë kontrollit në valixhen e këtij shtetasi, kanë gjetur dhe sekuestruar në cilësinë e provës materiale një armë zjarri pistoletë dhe 125 fishekë.
Renato Hajmeli, banues në Tiranë, është arrestuar nga policia e Rinasit në flagrancë.
Materialet i kaluan Prokurorisë së Rrethit Gjyqësor Tiranë, për veprat penale “Trafikimi i armëve dhe i municionit” dhe “Armëmbajtje pa leje”./Opinion.al
