Presidenti i Republikës Ilir Meta gjatë një dalje për mediat ditën e sotme u shpreh se ai lëviz natën, pasi nuk do që sirenat që buçasin në rrugë të shqetësojnë qytetarët.
Sipas Presidentit 25 prillit është dita ku vendit do t’i rikthehet pluralizmi politik për të vendosur rendin kushtetues.
‘Në 25 prill populli i Shqipërisë do të votojë për të rithemeluar pluralizmin politik dhe për të vendosur rendin kushtetues që është tronditur në kushte skandaloze. Iku koha kur duartrokisnim ne kur dëgjonim parrudha; ‘bravo Shqipëri socialiste’. Jemi në kohën kur për mua kanë dy gjëra rëndësi; shqiptarët të jenë të kujdesshëm të ruajnë distancë, dhe tjetra fuqia e tyre është fjala e tyre. Fuqia e tyre është 25 prilli. Ndaj them Referendum! Që mos të ndodhin gjëra të tilla.
Këtu nuk është thjesht se u bë një kanal vaditës. Ama për të vajtur në Kamëz, le të vijnë me mua, dhe po e hapën ato rrugën për më shpejt se 30 minuta është e pamundur. Unë udhëtoj natën, sepse ditën buçasim sirenat dhe nuk dua të shqetësoj qytetarët. Mos harrojnë se ka edhe 26 prill, ndonjë që ka kartelë mjeksore do të kërkojë rrethana lehtësuese.’- tha Meta.
Kujtojmë që gjatë vizitës së bërë në Vlorë, kryeministri Rama e ka akuzuar Presidentitn se ai udhëton natën me makinë e pa protokollet përkatëse, për të bërë fushatë.
“E mirëkuptoj sepse vjen në Vlorë natën fshehurazi shkon lart e poshtë natën. Shfaqet me makina pa as protokollin përkatës. “- ka thënë më hetët kryeministri./Opinion.al
