Në të njëjtën ditë që Ministrja e Mbrojtjes, Olta Xhaçka ka paditur PD për shpifje, kjo e fundit ka paditur në SPAK Xhaçkën pasi e akuzon atë se ka përdorur helikopterin ushtarak për fushatën e PS në Dibër.
Po ashtu, PD ka paditur dhe autoritetet ushtarake që kanë manipuluar të dhënat për përdorimin e helikopterit ushtarak nga ministrja. Sipas PD, Xhaçka ka kryer veprën penale të shpërdorimit të detyrës dhe të përdorimit të funksionit publik për veprimtari politike dhe zgjedhore.
LEXO EDHE: “Përdori helikopterin për fushatë”, Xhaçka padit për shpifje PD
Selia blu thotë se pas shpalljes nga Presidenti të datës së zgjedhjeve, janë të paktën 8 data të dy muajve të fundit, që Olta Xhaçka ka përdorur helikopterin ushtarak për të shkuar në zonën e saj elektorale dhe për të kryer aktivitete për PS.
Përveç Ministres së Mbrojtjes, faktet në kallëzim penal implikojnë rëndë edhe Komandantin e Forcave Ajrore, i cili ka manipuluar arsyet e udhëtimit të helikopterit, duke i deklaruar për qëllime stërvitore, kur është e provuar se qëllimi ka qenë elektoral, në interes të PS. / Opinion.al
