Leanne Nasser nga Izraeli ishte një nga viktimat e sulmit gjatë natës së ndërrimit të viteve në Stamboll. Nasser, 18 vjeçe, i është lutur prindërve të saj që të udhëtonte drejt Stambolli. Ajo nuk kishte udhëtuar kurrë jashtë vendit, por ky rezultoi të ishte dhe udhëtimi i saj i fundit.
Tre miqtë e saj kishin planifikuar që të udhëtonin drejt Stambollit për të festuar Vitin e Ri, dhe ajo dinte t’iu bashkohej.
Babai i saj nuk pranoi. Ai ishte i shqetësuar pasi Stambolli nuk ishte një qytet i sigurt dhe ai donte që vajza të qëndronte në shtëpi. Por, dëshira e Leanne ishte shumë e madhe dhe i kërkoi tezes së saj që të ndërhynte tek babai dhe ai t’i jepte leje për të shkuar në Stamboll.
Babai i saj vazhdonte të ishte krejtësisht kundër kësaj dëshire të vajzës së tij, por ajo këmbënguli, duke thënë se asgjë nuk do të ndodhë me të, shkruan CNN.
Nasser, ishte nga Tira, një qytet në Izrael dhe kishte plane të mëdha për të ardhmen, pas mbarimit të shkollës së mesme në qershor. Ajo ka punuar në një klinikë dentare dhe me kursimet e saj kishte blerë makinë. Por, të gjitha ëndrrat dhe dëshirat e saj u prenë natën e ndërrimit të viteve.
Disa orë para mesnatës, ajo ka postuar një foto me Snapchat, çka rezultoi të ishte dhe fotoja e fundit, pasi një person i armatosur qëlloi në klubin ku ajo po festonte me miqtë, të cilët pësuan vetëm plagë të vogla.
Babai i Naserit, sapo dëgjoi lajmin u nis menjëherë drejt Turqisë, ku dhe identifikoi sendet e vajzës dhe iu desh të mësonte se 18-vjeçarja kishte ndërruar jetë nga sulmi, ku vdiqën 39 persona dhe u plagosën shumë të tjerë./tvklan.al
