Për aktoret e njohura me famë botërore Jennifer Aniston dhe Courteney Cox udhëtimi i kthimit nga 50-vjetori i Aniston nuk ka qenë ndër më të mirët. Sipas mediave të huaja avioni ku udhëtonin dy yjet e serialit “Friends” ka bërë ulje të detyruar për shkak të humbjes së një prej rrotave gjatë nisjes së tij.
Dy aktoret u nisën të premten e 15 shkurtit me një avion privat nga Meksika, por më pas iu desh të bënin një ulje të detyruar si pasojë e humbjes së një prej rrotave të avionit në orën 11:00 të paradites kur u realizua dhe nisja.
Më pas avioni u ul në aeroportin e ‘Ontario International Airport’ rreth orës 14:00 pasi qëndruan disa orë në hapësirë derisa avioni të harxhonte mjaftueshëm karburant për të bërë më pas uljen, duke tronditur kështu pasagjeret.
Sipas Daily Mail të 12 pasegjeret, të cilat raportohen të ishin të gjitha gra kanë zbritur më pas pa asnjë problem për sigurinë e jetës së tyre. Jennifer Aniston festoi më 11 shkurt ditëlindjen e saj të 50-të në një festë me miqtë dhe të afërmit e saj./Xh.K/
