Shtetet e Bashkuara të Amerikës do të lejojnë hyrjen e udhëtarëve që kanë marrë të dyja dozat e vaksinave kineze Sinovac ose Sinopharm.
Lajmi është bërë i ditur nëpërmjet një postimi në “Faceboo”, Silva Bino, Shefja e Epidemiologjisë dhe Sëmundjeve Infektive në Institutin e Shëndetit Publik.
Teksa citon CDC, Bino shkruan se këto dy vaksina, do të njihen si vaksina të parakualifikuara nga OBSH.
“Sipas CDC udhëtarët që shkojnë drejt SHBA do të konsiderohen të vaksinuar plotësisht nëse kanë kryer të dyja dozat e Sinovac ose Sinopharm si vaksina të parakualifikuara nga OBSH,”- shkruan Silva Bino.
Lista e vaksinave që pranohen për të udhëtuar drejt SHBA është: Pfizer/BionTech, Moderna, AstraZeneca, Covishield, BIBP/Sinopharm dhe Sinovac./ Opinion.al
