Udhëtarët do të kryejnë testin PCR në aeroportin e Rinasit

Aeroportin Ndërkombëtar i Tiranës njofton se qytetarët që do të udhëtojnë nga aeroporti, do të kenë mundësi që të kryejnë testin PCR.

Në njoftimin e publikuar në faqen zyrtare Tirana International Airport janë shpjeguar dhe hapt që një qytetarë duhet të ndjek për të bërë testin PCR.

1. Ju lutemi të vini në aeroport tre orë para fluturimit tuaj
2. Ju lutemi prisni për rezultatet e testit tuaj 90 minuta
3. Testi Covid-19 PCR do t’ju dorëzohet në anglisht
4. Kosto e testit PCR është 35 Euro
5. Qendra e Testimit PCR është në shërbim 24 orësh

Testet bëhen direkt në Aeroportin Ndërkombëtar të Tiranës, në Qendrën e Testimit që ndodhet jashtë zonës së Mbërritjeve. Pasagjerët që kanë PCR nuk dërgohen në asnjë spital për procedurat, testet kryen në laboratorin e vendosur në Aeroportin Ndërkombëtar të Tiranës.

Testi i antitrupave i përdorur për të përcaktuar nëse pasagjerët kanë pasur infeksion më parë me koronavirus dhe testi i Antigjenit, i përdorur për të përcaktuar nëse individi është ende i sëmurë, nuk mund të merret në këtë qendër./ Opinion.al