Nëpërmjet një postimi në rrjetet sociale, kryeministri Edi Rama ka uruar udhëheqësin e Emirateve të Bashkuara Arabe, i cili së fundi ka caktuar djalin e tij si princin e kurorës.
Kreu i qeverisë shpreh urimet për përparim dhe prosperitet të vazhdueshëm për kombin e Emirateve të Bashkuara Arabe dhe udhëheqjen e tyre.
Mesazhi:
Urimet më të sinqerta për Sheikh Mohammed bin Zayed Al Nahyan për emërimin e Sheikh Mansour bin Zayed si Zëvendëspresident të Emirateve të Bashkuara Arabe, Sheikh Khaled Bin Mohamed Bin Zayed Al Nahyan si Princin e Kurorës së Abu Dhabit, Sheikh Hazza Bin Zayed dhe Sheikh Bin Zayed si Zëvendës.
Përfitoj të shpreh urimet e mia më të mira për përparim dhe prosperitet të vazhdueshëm për kombin vëllazëror të Emirateve të Bashkuara Arabe dhe Udhëheqjen e tyre Vizionare!
