Emiljano D. dhe Danjel L, janë dy nga dhjetë shqiptarët e dënuar nga një gjykatë belge për kultivim të kanabisit.
Gjykata i dënoi ata me 30 muaj burg, si dhe me gjobë prej 8 mijë eurosh.
Dy shqiptarët duhet t’i paguajnë operatorit të rrjetit Fluvius pothuajse 24,000 euro dëmshpërblim për vjedhje të energjisë.
Autoritetet belge vunë në pranga shqiptarët që prej 17 korrikut, pasi kishin marrë një denoncim nga fqinjët e tyre që kishin ndjerë erë kanabisi.
“Shtëpia e barit” ishte ndërtuar në tarracat e zonës Sint-Bartholomeusstraat në Merksem, e cila ishte e përbërë vetëm nga xhama, por për shkak të lënies hapur të një dritareje, policia ndjeu erën dhe vijoi kontrollin.
Oficerët gjetën një plantacion me 1501 bimë kanabis të shtrirë në katër dhoma kultivimi. Nëntë meshkuj moshës 21 deri në 43 vjeç dhe një i mitur po korrnin kanabisin. Gjurmët e gishtave të gjetur në vendngjarje çuan në zbulimin e një personi të dhjetë.
Tetë nga të pandehurit kishin ardhur në Merksem vetëm më 3 gusht për të ndihmuar me korrjen.
Emiljano D. dhe Danjel L. kishin punuar në plantacion që nga qershori dhe korriku dhe ishin përgjegjësit, ndër të tjera, për kujdesin e bimëve.
