Një video dramatike që tregon studentët në Miçigan duke u strukur dhe fshehur teksa një nxënës i armatosur 15-vjeçar, i cili u prezantua si zëvendës i një sherifi qëlloi për vdekje tre nxënës në një shkollë të mesme në Miçigan, dhe plagosi tetë të tjerë, përfshirë një mësues është publikuar në mediat e huaja.
Një vajzë adoleshente që i mbijetoi të shtënave aktualisht po lufton për jetën e saj në reminacion, sipas Zyrës së Sherifit të Qarkut Oakland.
Pamjet rrëqethëse të kapura nga një student tregojnë shokët e klasës të grumbulluar nën tavolina brenda një klase të barrikaduar ndërsa nxënësi i armatosur endet nëpër sallë, duke u përpjekur të bindë nxënësit që të dilnin se ishin të sigurt.
Zyra e Sherifit tha se autori iu ka thënë nxënësve:”Mund të dilni”.
Studentët shkëmbyen shikime ndërsa njëri pëshpëriti “ai tha se a është e sigurt të dalësh”. Por një shok klase skeptik nuk pranoi të dalë, duke thënë: ‘Ne nuk jemi të gatshëm ta marrim atë rrezik tani.’
Adoleshenti i armatosur bërtiti përpara se ta thërriste shokun e tij të klasës ‘vëlla’ dhe në atë moment, shokët e klasës filluan të hidheshin nga dritarja pasi kuptuan se ai nuk ishte polic./Opinion.al
Sulmuesi i dyshuar, u arrestua brenda pesë minutave, tha policia dhe shtoi se një oficer burimesh shkollore në vendngjarje ndihmoi në kapjen e tij.
Policia tha në një përditësim të martën pasdite se adoleshenti mund të gjykohet si i rritur për vdekjen e një djali 16-vjeçar dhe dy vajzave, 14 dhe 17 vjeç./Opinion.al
