“Ai u vra që në 2020-ën! Ato që shihni janë klone, sozi dhe robotë pa shpirt”. Ky është mendimi që ka presidenti i Shteteve të Bashkuara, Donald Trump për Joe Biden. Trump u shpreh kështu pasi bëri dy deklarata krejtësisht kontradiktore së fundmi për paraardhësin e tij politik.
“Ai u vra që në 2020-ën! Ato që shihni janë klone, sozi dhe robotë pa shpirt”, është ky postimi i ndarë nga një person me 1000 ndjekës në TruthSocial, të cilin Trump nuk hezitoi ta publikojë në profilin e tij.
Edhe pse mbetet e pakuptueshme pse zgjodhi të ndajë me miliona ndjekës një lajm të pankonfirmuar, Trump ka treguar shpesh herë se është në natyrën e tij të ngacmojë dhe provokojë kundërshtarët politikë. Që kur erdhi për herë të dytë në krye të Shtëpisë së Bardhë, ai nuk i ka kursyer në asnjë moment demokratin Biden apo mbështetës të tij.
Retorika e tij u zbut vetëm ditën që bota mori vesh lajmin e hidhur se “Biden është me kancer prostate në shkallë të rëndë”. I uroi shërim të shpejtë dhe inkurajoi familjen e tij, por as kjo nuk zgjati shumë…
Më 30 maj, ai tha se “askujt nuk duhet t’i vijë keq për Biden”, pasi ky i fundit sipas tij, ka lënduar shumë njerëz përgjatë karrierës së tij politike. Demokratët i cilësoi “monstra që e kanë shkatërruar Amerikën vitet e fundit”. Për veprimin e fundit, Shtëpia e Bardhë, sipas New York Times, nuk ka pranuar të komentojë.
