Viktorian Picaku, 24-vjeç me origjinë nga Mirdita, dyshohet se u vra në Bari pas një konflikti për një vajzë. Familjarët, rrëfejnë për tvklan se pak ditë më parë, Viktoriani kishte ndërhyrë për të mbrojtur një vajzë, e cila po dhunohej nga një italian. Familjarët thonë se 24-vjeçari ishte gjendur aty rastësisht dhe kishte ndërhyrë për të shpëtuar të renë.
Por kjo, gjithnjë sipas familjarëve të viktimës, duket se nuk është pranuar nga italiani, i cili mbrëmjen e së mërkurës mori hak ndaj të riut, duke i marrë atij jetën.
Të afërmit e 24-vjeçarit thonë gjithashtu se kanë mësuar se një prej autorëve është vetëdorëzuar në polici, ndërsa tjetri është ende në kërkim.
Dy ishin personat që e qëlluan me dy plumba të riun me origjinë nga Mirdita. Ngjarja ndodhi në një shesh të mbushur me njerëz, përfshirë edhe fëmijë, në Corato të Barit.
Ata e qëlluan Viktorjan Picakun në kraharor dhe kokë, duke i marrë jetën.
Siç raportojnë edhe mediat italiane, në mesin e pistave të hetimit nga autoritetet atje, është edhe ajo e xhelozisë.
Të tjera lajme rreth kësaj ngjarje:
Kamerat e sigurisë filmojnë vrasjen e shqiptarit në mes të turmës (video)
