Jurgen Duka, 29-vjeçari që u vra mesnatën e djeshme në Tiranë, nga verifikimet e kryera rezulton të jetë një person me precedent të mëparshëm penal.
Duka ka qenë i dënuar, për veprën penale “Falsifikimi i monedhave” ku në vitin 2016 Gjykata e Apelit Tiranë për këtë vepër e ka dënuar me 8 muaj burg; Ndërsa për veprat penale “Heqja e paligjshme e lirisë” dhe “Përndjekja” në vitin 2017, është dënuar me 4 muaj burg.
Gjithashtu i riu, në vitin 2013 është proceduar për veprën penale “Mashtrimi” dhe në vitin 2014 është proceduar për “Mosbindje ndaj urdhrit të punonjësit të policisë”.
Ngjarja e rëndë ndodhi mbrëmjen e djeshme rreth orës 00:20, në rrugën “Irfan Tomini”. I riu u konfliktua me një person tjetër, të dy dyshohet në gjendje të dehur. Jurgen Duka mbeti i plagosur fillimisht me armë zjarri, por fatkeqësisht ndërroi jetë në spital si pasojë e plagëve tê marra./Opinion.al
