Këshilli i Ministrave ka miratuar vendimin për dhënien e një ndihme prej 5 milionë lëkë familjes së efektivit të FNSH, Adrian Halil Kodra, i vrarë në krye të detyrës.
Sipas një njoftimi për shtyp të Kryeministrisë, ky fond do të përballohet nga fondi rezervë i buxhetit të shtetit.
Për këtë arsye janë ngarkuar Ministria e Punëve të Brendshme dhe ajo e Financave për zbatimin e këtij vendimi, që hyn në fuqi menjëherë.
Adrian Kodra u vra gjatë një operacioni për arrestimin e shtetasit me probleme mendore David Qosja, në Torovicë të Lezhës, por sapo zbriti nga makina u qëllua për vdekje prej Qosjes, i cili fshihej në banesë.
