Iu afrua dhe e qëlloi tre herë me një pistoletë me silenciator, në qendër të qytetit të Elbasanit. Avokati Ravik Gurra, 50 vjeç, ishte ulur në një lokal bashkë me dy persona të tjerë (njëri avokat) kur u qëllua nga një person që erdhi nga pas.
Autori pas atentatit është larguar me një automjet, i cili disa minuta më vonë është gjetur i djegur në dalje të qytetit.
50-vjeçari Gurra mësohet se ka përfaqësuar në Gjykatë Emiljano Shullazin, por edhe anëtarë të familjes Çapaj në Elbasan, emrat e të cilëve janë të njohur në skedat e policisë, si persona me rekorde kriminale.
Shērbimet e Policisë së qyteti të Elbasanit kanë ngritur pika kontrolli në të gjitha rrugët në hyrje e dalje si dhe po krehin zonën ku dyshohet se janë larguar autorët.
Grupi hetimor ndodhet në vendngjarje dhe po grumbullon e fikson çdo provë që do shërbejë për zbardhjen e ngjarjes.
Një grup ekspertësh nga Departamenti i Policisë Kriminale në Policisë e Shtetit është nisur menjëherë në ndihmë të grupit hetimor për të bërë të mundur zbardhjen e shpejtë të ngjarjes./Opinion.al
