Virusi i ri Covid-19 ka treguar se nuk kursen askënd. Ministra, politikanë, aktorë dhe sportistë të njohur raportohen çdo ditë si të prekur me virusin e ri, me origjinë nga Kina.
Listës i shtohet edhe Ministri i Brendshëm i Australisë, Peter Dutton, i cili raportoi se është prekur nga koronavirusi.
Dutton e bëri lajmin publik përmes rrjeteve sociale ku sqaroi se ishte zgjuar me dhimbje fyti dhe temperaturë dhe më pas kishte rezultuar pozitiv me Covid-19.
“U zgjova sot në mëngjes me dhimbje fyti dhe me temperaturë. Menjëherë jam drejtuar për në spital, ku rezultova se isha pozitiv ndaj koronavirusit”, nënvizon ai.
Qeveria bën me dije se Dutton është shtruar menjëherë në spital për të qëndruar në karantinë dhe për të marrë mjekimin e nevojshëm.
Ndërkaq një shqëtësim që ngrihet është dhe fakti që ministri kishte pak kohë që ishte kthyer nga SHBA, ku dhe kishte zhvilluar takim me vajzën e Donald Trump, Ivanka Trump./Opinion.al
Yesterday ?? Home Affairs @PeterDutton_MP joins @IvankaTrump, Attorney General Barr & our five eyes partners ???????? to fight online child exploitation. We heard from 9 brave survivors & announced principles that technology companies should implement to protect children online pic.twitter.com/3ifeJnGJPI
— Australia in the US ???? (@AusintheUS) March 6, 2020
