Deputetja e PD në Krujë, Merita Bakiu ka reaguar pas fotos së publikuar nga ish-kryeminsitri Sali Berisha nga takimi me demokratët në këtë qytet.
Bakiu sqaron se ishte në takimin me Berishën pasi nuk do që në PD të ketë ndarje dhe se fokusi i tyre është largimi i PS nga qeveria.
Në postimi në rrjetet sociale, deputetja përdor sloganin e kryedemokratit Lulzim Basha, për Kuvendin Kombëtar, “Një parti, një Kuvend”.
Reagimi
Përtej çdo keqpërdorimi dhe tentativë për përcarje:
Si demokrate dhe krutane, nuk kam refuzuar dhe nuk do të refuzoj kurrë ftesën për kafe apo vizitë të asnjë demokrati. Mikëpritja është virtyt i çdo krutani. Këtë kam bërë edhe sot kur ka ardhur për kafe z. Berisha. Kam theksuar në takimin miqësor me demokratët nevojën që të përqëndrojmë betejën ndaj regjimit të Edi Ramës, të jemi të gjithë bashkë dhe pa ndasi. Për këtë arsye, duhet të ecim sëbashku me parimin “Një parti, një Kuvend”. Dita e Kuvendit Kombëtar sipas statutit te PD është Ditë e madhe bashkimi e çdo demokrati. Të gjithë bashkë jemi më të fortë kundër regjimit të Edi Ramës. Betejën e kemi vetëm me të.
