Ministria e Shëndetësisë ka informuar lidhur me gjendjen e dy ushtarakëve që u sulmuan dje në uzinën e Gramshit me një spry neuroparalizues, nga një shtetas rus.
Bëhet me dije se gjendja e tyre është e qëndrueshme dhe nuk kanë patur probleme të helmimit.
“Ministria e Shëndetësisë dhe Mbrojtjes Sociale informon se dy ushtarakët e lënduar në Uzinën e Gramshit janë në gjendje të stabilizuar në Pavionin e Toksikologjisë në Qendrën Spitalore Universitare “Nënë Tereza”.
Ekipet e specializuara të Toksikologjisë, Djegie-Plastikës dhe ORL kanë kryer konsultat dhe ekzaminimet e plota për dy ushtarakët e ekspozuar ndaj gazit irritues, të cilët po marrin trajtimin e nevojshëm mjekësor dhe janë në gjendje të qëndrueshme, pa probleme akute të helmimit”, thuhet në njoftimin e ministrisë./Opinion.al
