Aktualitet

U sulmua nga Meta, Koka: Mos fli natën, ruaj arkat që ke fshehur në baçe


Bëhu pjesë e Grupit Zyrtar të Opinion.al
>> KËTU <<
               Publikuar në : 14:50 - 22/04/21 |
Opi Nion

I është përgjigjur akuzave të Presidentit Ilir Meta të bëra ditën e sotme ish-ministri i Mjedisit, njëherësh kandidat për deputet i PS-së, Lefter Koka

Nëpërmjet një postimi të bërë në rrjetet sociale, Koka shkruan se në zgjedhjet e shkuara Lëvizja Socialiste ka përfituar nga votat personale të Kokës.

Ndër të tjer Koka nuk e ka kursyer gjuhen e ashpër me Presidentit duke u shprehur: . Ik tani dhe mbyllu në kafazin tënd në Lalëz dhe mos fli natën, që të ruash arkat që ke fshehur në baçe! Pis burrë!

“Ilir Meta! Nëqoftëse kam një arsye të ndjehem keq me veten dhe njerëzit e mi, është që të besova ty për aq shumë kohë! Të vura në dispozicion veten, shoqërinë dhe miqësitë e mia në Durrës, që partia jote të merrte aq shumë vota, sa 1000 filxhanet e Monikës nuk i shikonin dot!

Ishin votat e mia, të durrsakëve të mi, jo të LSI-së që po i’a merr fytyrën çdo njeriu normal që e deshi dhe e mbështeti. Ato vota nuk i merr dot as Lona, as Shiksi jot, që po bëhen gazi i botës në Durrës, por do t’i marrë Edi Rama dhe Partia Socialiste. Do t’i marrë familja e madhe ku unë jam rikthyer për të dhënë me shpirt kontributin tim, që Durrësi të vaksinohet përfundimisht nga virusi i tërbimit dhe i poshtërsisë që figura jote fut në shtëpitë e shqiptarëve!

Ti je një i marrë fund, që Zoti ta ka marrë mendjen për të të zhveshur lakuriq përpara popullit, prandaj prite me qetësi dhe dashuri verdiktin e tmerrshëm që të pret në 25 prill! Ti do të mbetesh gjatë në kujtesën e këtij populli, si një palaço që të vret natën dhe të qan ditën. Kur flet ti për blerje votash dhe për Kushtetutë, është njësoj si të dëgjosh një baxhellë të flasë për virgjëri dhe një kriminel të flasë për ligjin!

Ti je një arsye e madhe për të besuar që ka Zot, se vetëm Zoti mund të të hiqte ty nga qafa e shqiptarëve kështu siç e meriton!

I shpërfytyruar, i degjeneruar, i mbaruar që të ra dhe cipa e fundit. Ik tani dhe mbyllu në kafazin tënd në Lalëz dhe mos fli natën, që të ruash arkat që ke fshehur në baçe! Pis burrë!” – shkruan Koka në Facebook.

Kujtojmë që ditën e sotme Presidenti Meta akuzoi ish-ministrin e LSI, Lefter Kokën, teksa ka shtuar se  djali i tij del me pistoletë dhe blen vota shtëpi më shtëpi në Durrës./Opinion.al

 

Pas