Një djalë palestinez u sulmua për vdekje nga një luan në një kopsht zoologjik privat në Palestinë, sipas forcave policore të territorit bregdetar.
Hamada Iqtiet, 6 vjeç kishte shkuar tek kopshti zoologjik me familjen e tij dhe raportohet se u vra nga një luan, ku thuhet se ngeci mes hekurave të kafazit të kafshës në një kopsht zoologjik privat.
Oficerët e policisë thanë se 6-vjeçari Hamada tha se djali ishte ngjitur përmes gardhit mbrojtës në kopshtin zoologjik Asdaa Park.
Familja e djalit e kundërshtoi këtë gjë, duke thënë se Hamada, i cili po vizitonte parkun Asdaa me nënën e tij dhe anëtarët e tjerë të familjes, kishte shkuar afër një gardh të jashtëm, ku qëndronte luani kur u sulmua.
Policia konfirmoi se kishte mbyllur kopshtin zoologjik privat si masë paraprake sigurie, sipas raporteve.
Ky rast ishte fataliteti i parë i njohur nga kafshët e mbajtura në kopshtet zoologjike private në territorin e mbushur me njerëz dhe vizitorë. Gaza ka disa kopshte të vogla zoologjike private ku kafshët mbahen në kushte të mjerueshme.
Kafshët kanë vuajtur nga neglizhenca, uria dhe mungesa e kujdesit mjekësor, shkak për këtë janë bërë luftimet e përsëritura midis Izraelit dhe sundimtarëve të Gazës.
Grupet ndërkombëtare të mirëqenies së kafshëve kanë kryer disa misione për të evakuuar kafshët, veçanërisht luanët, në strehë të sigurta në Jordani dhe Afrikë./Opinion.al
