Policia në Durrës ka reaguar për ngjarjen e ndodhur në qendër të qytetit, ku një vajzë ra nga kati I dytë I një hoteli.
Sipas uniformave blu mësohet se vajza nga Venezuela është shtyrë nga një mashkull, pas një konflikti fizik për motive të dobëta.
Si pasojë e incidentit, janë dëmtuar lehtë të dy të përfshirët në konflikt, të cilët po marrin asistencë mjekësore në spital.
Mësohet se për ngjarjen është arrestuar një 39-vjeçar nga Shijaku.
“Durrës/Informacion paraprak
Rreth orës 14:40, në rrugë, në lagjen nr. 2, dyshohet se për motive të dobëta, janë konfliktuar fizikisht shtetasi I. Z., 39 vjeç, banues në Shijak dhe shtetasja nga Venezuela, D. L., 22 vjeçe. Si pasojë janë dëmtuar lehtë të dy të përfshirët në konflikt, të cilët po marrin asistencë mjekësore në spital.
Grupi hetimor po punon për sqarimin e plotë të rrethanave të konfliktit”, njofton policia.
