Shëndeti i Papa Françeskut “po përmirësohet në mënyrë progresive” dhe ai po punon nga spitali, tha Vatikani të enjten, pasi 86-vjeçari u shtrua në një spital në Romë për trajtimin e një infeksioni respirator.
“Shenjtëria e tij Papa Françesku pushoi gjatë natës. Kuadri klinik po përmirësohet në mënyrë progresive dhe trajtimet e planifikuara vazhdojnë. Sot në mëngjes, ai lexoi disa gazeta dhe u kthye në punë”, tha zëdhënësi i Vatikanit Matteo Bruni në një deklaratë.
Pas audiencës së tij të përgjithshme javore në Sheshin e Shën Pjetrit të mërkurën, papa u dërgua në spital për t’iu nënshtruar një sërë testesh.
Françesku u dërgua në spitalin Gemelli pasi u ankua për vështirësi në frymëmarrje, tha Vatikani të mërkurën, duke shtuar se ai do të kalonte disa ditë atje. Audiencat e Françeskut deri të premten u anuluan, duke ngritur pyetje në lidhje me pjesëmarrjen e Papës në aktivitetet e Javës së Shenjtë të Vatikanit dhe për shëndetin e tij në përgjithësi.
Burime nga Vatikani i thanë CNN të enjten se Papa Françesku “fleti mirë” gjatë natës së tij të parë në spital.
Kisha e Romës shprehu gjithashtu “të gjithë afërsinë dhe dashurinë e saj ndaj peshkopit Papa Françeskut dhe siguron lutjet e saj të pandërprera, duke i uruar atij një shërim të shpejtë”.
