I humbur prej 10 ditësh, Leo Roçi është gjetur ditën e sotme në Itali. Leo Roçi është 34-vjeçari, i cili u denoncua i humbur disa ditë më parë. Kanë qenë familjarët e tij ata që bënë denoncimin, pas kontaktit të fundit që kishin pasur në kufirin serbo-korat.
Zyra e Ministrit të Brendshëm është njoftuar nga familjarët e Leo Roci se familjari i tyre i ka kontaktuar nga Italia ditën e sotme.
Ata kanë falënderuar ministrin e Brendshëm, Taulant Balla për angazhimin e tij për gjetjen e të riut.
Kujtojmë që denoncimi fillimisht u bë nga daja i të riut, i cili deklaroi në polici se 34-vjeçari nuk i është përgjigjur në telefon. Më pas telefonin e Leos e ka hapur një shtetas serb. Ata dyshonin se i afërmi i tyre nuk jeton më.
Ndërkohë babait i Leo Roçit, 34-vjeçarit ka treguar se djali i tij po tentonte të shkonte në Britaninë e Madhe ku jetonin bashkëshortja dhe djali i tij.
