Pas shoqërimit nga policia, ka reaguar ish-deputetja e Partisë Demokratike, Dhurata Çupi.
Ajo është shprehur se policia e ka shoqëruar në komisariatin e Burrelit pa asnjë sqarim
Ish-deputetja tha se u shoqërua nga dy policë të RENEA, të armatosur dhe qëndroi në komisariat për 30 minuta ndryshe nga sa pretendon policia.
“Tek Ura e Matit isha me Kryetaren e Forumit Rinor dhe me shoferin tim në makinën e Kryetarit të forumit, Denisa Vata. Nuk më dhanë asnjë shpjegim, më shoqëruan. Ishin dy policisë të RENEA me automatikë. Ndejta rreth 30 minuta në komisariat, plotësova një formular me gjeneralitetet e mia. Më pas u lirova. E para ju shikoni, e dyta kemi edhe foto brenda komisariatit. Unë nuk dua të bëj heroinën, pasi kishte shumë heronj të vërtetë, qytetarë të shoqëruar. Janë shumë djem e vajza të të shoqëruar”,- tha Çupi.
Ish-deputetja u shoqërua në komisariat, pas tensioneve që pati sot në KZAZ-në e Burrelit ku simpatizantët e PD-së, dogjën materialet zgjedhore./ Opinion.al E.Xh
