Në nisje të seancës së sotme plenare, Arben Ahmetaj u propozua nga Grupi Parlamentar i PS për postin e anëtarit të Komisionit për Integrimin Europian.
Kryetarja e parlamentit Lindita Nikolla deklaroi se propozimi është bërë nga kreu i grupit parlamentar të PS.
“Kreu i grupit të PS ka kërkuar caktimin e zotit Arben Ahmetaj si anëtar i Komisionit për Integrimin Europian”, u shpreh Nikolla.
Pak javë më parë kryeministri Edi Rama shkarkoi Arben Ahmetajn nga posti i zv/kryeministrit ndërsa në vend të tij u emërua Belinda Balluku, e cila mban njëherazi dhe postin e ministres së Infrastrukturës dhe Energjisë.
